Жамият - 19:53 · 20.04.2022

Ўзбекистонда 5,2 млрд сўмлик заргарлик буюмларининг ноқонуний айланиши олди олинди

Ўзбекистонда 2022 йилнинг 3 ойида 5,2 миллиард сўмлик заргарлик буюмларининг ноқонуний айланиши олди олинди. Бу ҳақда АОКАда 20 апрель куни ўтказилган брифингда Давлат божхона қўмитаси ахборот хизмати бошлиғи в.б. Ҳусан Тангриев маълум қилди, дея хабар бермоқда «Bugun.uz» мухбири.

Фото: «Sputnik Ўзбекистон»

Қайд этилишича, 2022 йил I чорагида божхоначилар томонидан 1 миллион доллар нақд хорижий валюта тўхтатиб қолинган, 503,6 килограмм гиёҳвандлик воситалари ушлаб қолинган ва 5,2 милиард сўмлик заргарлик буюмлари, 490 дона маданий бойлик ноқонуний айланиши олди олинган.

«Давлат бюджетига 9,5 триллион сўм божхона тўловлари ўтказилди. Ташқи савдода ‘яширин иқтисодиёт’ улушини қисқартиришга қаратилган тадбирлар натижасида 221 млрд. сўм қўшимча божхона тўловлари ундирилилди. 3 мингдан ортиқ тадбиркорга божхона тўловларидан қарийб 4 триллион сўмлик имтиёзлар берилди», — дея таъкидлади қўмита вакили.

Эслатиб ўтамиз, аввалроқ Ўзбекистон божхона қўмитаси салкам 4,7 млрд сўмлик пиротехника воситалари савдосини тўхтатгани ҳақида хабар берилганди.  Шунингдек, Ўзбекистонга 2 миллиард сўмдан ортиқ қийматдаги пиротехника воситалари олиб кирилиши тўхтатилгани айтилганди.