Жамият, Тошкент ш. - 15:40 · 20.04.2022

Тошкентда «Hyundai Sonata» ЙПХ инспекторини уриб юборди — видео

Тошкент шаҳри Мирзо Улуғбек туманида 20 апрель куни «Hyundai Sonata» хизматдаги ЙПХ инспекторини уриб юборди. Пойтахт Ички ишлар бош бошқармаси ахборот хизмати хабар берди.

Фото: Telegram / @tyuzbek

Маълум қилинишича, соат 10:40 да Абдулла Қодирий ва Махатма Ганди кўчалари чорраҳасида хизмат олиб бораётган йўл-патруль хизмати инспектори Фарҳод Сайхаматовни А.Т. бошқарувидаги «Hyundai Sonata» автомашинада уриб юборган.

Оқибатида йўл-патруль хизмати инспектори олган тан жароҳатлари билан шифохонага олиб борилган. Тошкент шаҳар Ички ишлар бош бошқармаси йўл ҳаракати хавфсизлик бўлими томонидан суриштирув ишлари олиб борилмоқда.

Эслатиб ўтамиз, Нукус шаҳрида 5 апрель куни «Дамас» йўлдан ўтаётган эркакни уриб юборгани ҳақида хабар берилганди.