Исроил ва Ғазо сектори бири бирининг ҳудудига ракета учирди

Исроил ҳарбий-ҳаво кучлари 20 апрель куни тунда Ғазо секторида жойлашган Ҳамас гуруҳининг иккита ҳарбий объектига авиазарбалар берди. Бу ҳақда «The Jerusalem Post» хабар берди.

Айрим манбалар авиазарбага Ғазодан учирилган ракета сабаб бўлганини айтган. Исроил осмонида бир неча дақиқа давомида сиреналар янграган.

«Исроилнинг Ғазо секторига берилган зарбалари халқимизнинг ишғолга қарши курашни давом эттириш қарорини кучайтиради. Қуддусдаги халқимизни қўллаб-қувватлаш, қурбонлар бўлишидан қатъи назар, муқаддас қадамжоларимизни ҳимоя қилиш кераклигини англатади», — дейди Ҳамас вакили Ҳазем Қосим.

Аввалроқ Исроилда мусулмон бўлмаганларнинг ал-Ақсо масжидига бориши тақиқланганди. Шунингдек, Исроил қирувчи самолётлари Ғазо секторига ҳужум қилганди.

“Bugun.uz” янгиликларини “Telegram”да кузатиб боринг