Жамият, Қашқадарё - 11:36 · 22.04.2022

Мурод Азимов Қашқадарё вилояти ҳокими лавозимига тасдиқланди

Қарши шаҳрида халқ депутатлари Қашқадарё вилояти кенгашининг навбатдан ташқари сессиясида ташкилий масала кўрилди. Бу ҳақда Президент матбуот котиби хабар берди.

Фото: Президент матбуот хизмати

Қайд этилишича, Шавкат Мирзиёев 2021 йил ноябрь ойидан буён Қашқадарё вилояти ҳокими вазифасини бажариб келаётган Мурод Азимов Бердиалиевич номзодини вилоят ҳокими лавозимига тавсия этди.

Фото: Президент матбуот хизмати

Овоз бериш натижаларига кўра, М.Азимов Қашқадарё вилоятининг ҳокими этиб тасдиқланди.

Эслатиб ўтамиз, аввалроқ Президент таклифи билан ташкил этилган Кўкдала туманига янги ҳоким тайинлангани ҳақида хабар берилганди.