Жамият - 15:39 · 22.04.2022

Ўзбекистоннинг қатор ҳудудларига сел келиши кутилмоқда — рўйхат

Ўзбекистоннинг айрим ҳудудларида 24–25 апрель кунлари қисқа муддатли ёмғир ёғади, момақалдироқ бўлиши мумкин, республиканинг айрим туманларида дўл ёғиши мумкин. «Ўзгидромет» ахборот хизмати бу ҳақда шошилинч ахборот эълон қилди.

Фото: Фавқулодда вазиятлар вазирлиги ахборот хизмати

Қайд этилишича, кутилаётган кучли ёмғирлар ёғиши сабабли республиканинг тоғ олди ва тоғли ҳудудларида:

  • Қашқадарё вилояти Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида;
  • Сурхондарё вилояти Сариосиё, Узун, Олтинсой, Денов, Бойсун, Шеробод, Шўрчи, Қумқорғон, Музробот туманларида;
  • Самарқанд вилояти Ургут, Самарқанд, Булунғур, Нуробод, Қўшработ, Каттагўрғон, Пайариқ, Жомбой, Иштихон туманларида;
  • Навоий вилояти Хатирчи, Навбаҳор, Нурота, Конимех, Кармана туманларида;
  • Жиззах вилояти Зомин, Бахмал, Шароф Рашидов, Фориш, Янгиобод туманларида;
  • Тошкент вилояти Оҳангарон, Бўстонлиқ, Паркент, Пскент, Ўрта Чирчиқ, Юқори Чирчиқ туманларида ва Ангрен, Олмалиқ шаҳарларида;
  • Наманган вилояти Поп, Косонсой, Чортоқ, Чуст, Наманган, Янгиқўрғон туманларида;
  • Фарғона вилояти Сўх, Фарғона, Бешариқ туманларида;
  • Андижон вилояти: Андижон, Асака, Жалалқудуқ, Қўрғонтепа, Пахтаобод, лзбосган, Хўжаобод, Марҳамат туманларида ва Хонобод шаҳрида сел-сув тошқин ҳодисалари юзага келиши мумкин.

«Тоғ олди ва тоғли худудларда истиқомат қилувчи фуқароларни, дам олувчиларни ҳамда тоғли худудларда ҳаракатланувчи ҳайдовчиларни эҳтиёткорлик чораларини кўришларини сўраймиз», дейилади ахборотда.

Эслатиб ўтамиз, Жиззах вилояти Фориш туманида 20 апрель куни сел келиши оқибатида 5 киши ҳалок бўлгани ҳақида хабар берилганди.