Жамият, Наманган - 18:34 · 22.04.2022

Видео: Наманганда дўл ёғиб ўтди

Наманган вилояти Косонсой туманида 22 апрель куни дўл ёғди. Бу ҳақда вилоят Гидрометеорология бошқармаси ахборот хизмати хабар берди.

Фото: Telegram / @namanganliklar_uz

Қайд этилишича, туманнинг айрим ҳудудларида соат 15:25 ва 15:35 оралиғида дўл ёғиб ўтган.

Аввалроқ «Ўзгидромет» республиканинг айрим ҳудудларида 24–25 апрель кунлари қисқа муддатли ёмғир ёғиб, момақалдироқ бўлиши ҳамда айрим туманларда дўл ёғиши мумкинлигини маълум қилганди.

Шунингдек, кутилаётган кучли ёмғирлар ёғиши сабабли республиканинг тоғ олди ва тоғли ҳудудларида сел келиш хавфи эълон қилинган.