Бош вазирлар учрашуви, Франциядаги сайлов кампанияси, ал-Ақсодаги тўқнашувлар — 22 апрель суратлари

Бугуннинг энг сара суратларини эътиборингизга ҳавола этамиз.

Ҳиндистон пойтахтида Буюк Британия бош вазири Борис Жонсон ҳамда Ҳиндистон бош вазири Нарендра Моди ўртасида учрашув бўлиб ўтди.

Эдинбургдаги театр фестивалида Буюк Гетсби спектаклини намойиш этаётган Northern Ballet жамоаси.

Мексиканинг Веракруз соҳилларида медитация қилаётган аёл.

Украина қутқарув хизмати ходими рус бомбалари тушган ерда қутқарув ишларини олиб бормоқда.

Коронавирус карантини сабаб бўшаб қолган Хитойнинг Нанчанг шаҳри кўчалари. Ҳозирда Хитойда коронавирус хуружи кучайган.

Шимолий Кореяда мамлакат етакчиси бўлган Ким оиласининг каттаси Ким Ир Сен таваллудининг 110 йиллиги кенг нишонланмоқда. Талабалар махсус байрамда рақсга тушмоқдалар. Уларнинг юзидан буюк доҳийга нисбатан чуқур муҳаббат уфуриб турибди.

Бразилиянинг Рио-де-Жанейро шаҳрида анъанавий карнавал ўтказилмоқда. Мазкур карнавал икки йиллик танаффусдан сўнг энди ўтказилмоқда.

Франциянинг амалдаги президенти ва «La République En Marche» партиясидан президентликка номзод Эммануэль Макрон «Radio France» ходимлари билан суҳбатлашмоқда.

Франциядаги президентлик сайловида яна бир номзод Марин Ле Пен сайлов кампанияси давомида ўз тарафдорлари билан суратга тушмоқда.

Жума куни Қуддус шаҳрида Исроил полицияси ва фаластинликлар ўртасида яна тўқнашувлар содир бўлди.

“Bugun.uz” янгиликларини “Telegram”да кузатиб боринг