Жамият - 21:24 · 27.04.2022

Абдулазиз Комилов ташқи ишлар вазири лавозимидан озод қилинди

Абдулазиз Комилов ташқи ишлар вазири лавозимидан озод қилинди. Бу ҳақда Президент матбуот хизмати хабар берди.

Фото: Ташқи ишлар вазирлиги ахборот хизмати

Маълум қилинишича, Президентнинг тегишли фармонлари билан Норов Владимир Имомович ташқи ишлар вазири биринчи ўринбосари лавозимига тайинланган, унинг зиммасига вазир вазифасини бажариш юклатилган.

Шу кунгача ТИВ раҳбари бўлиб келган Комилов Абдулазиз Ҳафизович эса Президент ҳузуридаги Хавфсизлик кенгаши котибининг ташқи сиёсат ва хавфсизлик масалалари бўйича ўринбосари лавозимига тайинланган.

Маълумот ўрнида, Абдулазиз Комилов 2012 йилдан бери ташқи ишлар вазири лавозимда ишлаб келаётганди.

Аввалроқ Алишер Султонов саломатлиги туфайли бошқа ишга ўтиши муносабати билан энергетика вазири лавозимидан озод этилган. Бу ҳақда Энергетика вазирлиги ахборот хизмати «Bugun.uz»га хабар берганди.