Бухоро, Жамият - 14:47 · 27.04.2022

Бухорода ободонлаштириш ходимлари итларни заҳарлади — видео

Бухоро шаҳридаги Зарафшон маҳалласида ободонлаштириш бўлими ходимлари итларни заҳарлади. Аҳоли ҳолат юзасидан «Mehr va Oqibat»га мурожаат қилди.

Фото: Telegram / @mehrvaoqibatuz

Мурожаатга кўра, ходимлар итлар кўпайганини айтган. Улар ўзи билан дорилар тўлдирилган колбаса олиб келган. Маҳалла раҳбарияти ходимларни итларни заҳарламаслик бўйича огоҳлантирган. Шунингдек, ҳайвонларни ўлдириш учун қонуний жазо борлиги эслатиб ўтилган.

Бироқ ходимлар гўёки кетаётгандек кўриниш бериб, заҳарланган колбасани итларга ташлаган. Бунинг оқибатида ҳайвонлар нобуд бўлган. Аҳоли ҳодисани тасвирга олишга муваффақ бўлган.

Ҳолат юзасидан «Mehr va Oqibat» Ички ишлар вазирлигига мурожаат қилиб, ҳайвонларни заҳарлаган айбдорларни жавобгарликка тортишни сўраган.

Аввалроқ Тошкентда 12 ёшли бола мушукни думидан кўтариб, ерга урганди. Шунингдек, Тошкентда 20 ёшли йигит мушукни қийнаб ўлдирганди.