Ўзбекистонда қизлар кўп туғиляптими ёки ўғил болалар?
Ўзбекистонда январь–март ойларида 203 670 нафар чақалоқ туғилди. Бу ҳақда Статистика қўмитаси ахборот хизмати «Bugun.uz»га хабар берди.
Маълум бўлишича, 2022 йилнинг январь–март ойларида 203 670 нафар чақалоқ туғилган. Энг кўп туғилиш Самарқанд вилояти (24 265 нафар)да қайд этилган бўлса, энг кам чақалоқ Сирдарё вилояти (5 422 нафар)да туғилган. Қуйда туғилишлар бўйича гендер статистикаси келтирилган:
- 104 777 нафари ўғил бола;
- 98 893 нафари қиз бола.
Аввалроқ Ўзбекистонда 2021 йилда қайд этилган туғилишлар сони 1991 йилдаги туғилишлар билан солиштирилганда 25,1 фоизга қўпайгани маълум қилинганди.
