«UzAuto Motors» 2020 йилда 280 000 дан ортиқ автомобил ишлаб чиқариб ўзининг тарихий ишлаб чиқариш рекордини янгилади ва шу тариқа барча моделларнинг эркин сотилишига эришди. Аммо пандемия ва глобал микрочиплар танқислиги ўз тузатишларини киритиб 2021 йилда ишлаб чиқариш ҳажмини камайтирди. Бу эса 2022 йил бошида харидорларга 89 300 дан ортиқ автомобил қарздор бўлишига олиб келди.

15 февраль куни Президент Шавкат Мирзиёев раислигида автомобил саноати масалаларига бағишланган йиғилишда бир қатор муҳим қарорлар қабул қилинди. Хусусан, давлат раҳбари 2022 йилнинг 1 майига қадар автомобил сотиб олишда юзага келган навбатлар билан боғлиқ муаммоларни тўлиқ бартараф этиш бўйича топшириқ берди.

Шубҳасиз, компания бозорни керакли миқдордаги автомобиллар билан тўлдириш учун барча саъй-ҳаракатларни амалга оширмоқда. Завод ҳар куни конвеерлардан 1 000 дан ортиқ автомобил ишлаб чиқариб, тўлиқ қувват билан ишламоқда.

Мaрт-апрел ойларида ишлаб чиқариш ҳажмини ошириш учун қўшимча 4200 дона автомобил ишлаб чиқариш учун ҳаво йўллари орқали 656 тонна бутловчи қисмлар олиб келинди. «Uzbekistan Airways» АЖ билан келишган ҳолда, энг муҳим автокомпонентларни етказиб бериш учун чартер рейслари ташкил этилди.

Ишлаб чиқаришнинг узоқ муддатли пасайишига микрочипларни ўзида мужассам этган компонентларнинг олдиндан яратилган захираси йўл қўймади. Юк ташиш муаммолари ҳукумат даражасида ҳал қилинди. Логистика занжирларини оптималлаштириш Корея Республикасидан бутловчи қисмларни етказиб бериш вақтини 45 кундан 38 кунгача қисқартириш имконини берди, Хитойдан юкларни темир йўлдан автомобилга ўтказиш эса транзитни 55 кундан 20 кунга қисқартирди.

Ушбу ва бошқа мисли кўрилмаган чора-тадбирлар автомобил бутловчи қисмларини максимал даражада етказиб беришга имкон берди, бу эса ўз навбатида заводнинг узлуксиз ишлашини таъминлади. «GM International» президенти Стивен Кифер ва бошқа бир қатор микрочип ишлаб чиқарувчилар билан олиб борилган музокаралар яримўтказгичларни қўшимча етказиб бериш (етказиб берилган микрочиплар ҳажми 14 мингдан 20 мингга оширилди) ва инқироз даврида прогноз қилинганидан кўпроқ автомобил ишлаб чиқариш имконини берди.

Ҳамкорлар билан олиб борилган музокаралар натижасида, шунингдек импорт қилинадиган «Lacetti» автомобили учун бутловчи қисмлар етказиб бериш ҳажмини 6 000 донадан 8 000 донагача, «Damas» автомобили учун эса 6 000 донадан 8 000 донагача оширилди. Бундан ташқари, ишлаб чиқариш ҳажмини ошириш имконини берувчи 30 дан ортиқ етишмаётган бутловчи қисмларни етказиб берувчилар билан келишувга эришилди.

Ишлаб чиқариш ускуналарини модернизация қилиш ва технологик жараёнларни оптималлаштириш натижасида «UzAuto Motors»нинг ишлаб чиқариш қувватлари ҳам сезиларли даражада оширилди. Хусусан, «Lacetti» автомобилларини пайвандлаш линияларидаги жараёнларни оптималлаштириш ҳисобига кунлик ишлаб чиқариш ҳажми 28 фоизга ошди.

«Cobalt» автомобилларини ишлаб чиқаришда технологик жараёнларни такомиллаштириш ва роботлаштириш орқали ушбу моделнинг кунлик ишлаб чиқариш қуввати 22,5 фоизга оширилди. Бундан ташқари, қуритиш печини кенгайтириш ва кузовнинг пастки ҳимоя қатламини қайта ишлаш жараёнини яхшилаш орқали бўёқлаш цехининг такомиллаштирилиши натижасида, ишлаб чиқаришни 15 фоизга оширишга муваффақ бўлди. Натижада Асака заводида «Lacetti», «Cobalt», «Spark» автомобилларини ишлаб чиқариш ойига 19 200, Хоразм заводида эса «Damas», «Labo» автомобилларини ишлаб чиқариш 9 000 донага етказилди.

Бундан ташқари, «UzAuto Motors» томонидан автомобиль эгаларига етказиб бериш муддатини қисқартириш учун 2022 йилнинг май ойидан бошлаб харидорларга ҳам етказиб бериладиган янги комплектациядаги «Cobalt» автомобилини ишлаб чиқаришни йўлга қўйиш режалаштирилган.

Пандемияга қадар бўлган ишлаб чиқаришга эришиш бугунги кунга келиб, йил бошида шартнома тузилган автомобиллар умумий сонининг 92 фоизини (82 300 донадан ортиқ автомобил) истеъмолчиларга шартномада кўрсатилган муддатдан бир неча ой олдин топшириш имконини берди. Ишлаб чиқарилган 2 700 дан ортиқ автомобиль истеъмолчиларга етказиб бериш жараёнида, қолган 4 300 донаси эса ишлаб чиқариш жараёнида, бу топшириқни 30 апрелга қадар бажарилишини таъминлайди. Умуман олганда, 2022-йил бошидан ҳозирги кунга қадар эгаларига 104 000 дан ортиқ автомобил (шу жумладан премиум сегмент) топширилди, бу автомобил заводининг умумий ишлаб чиқариш ҳажмининг 1/3 қисмидан кўпроғини ташкил этади.

2022 йилнинг март ойидан дастлабки тўлов миқдорининг 85 фоиздан 50 фоизгача пасайтирилган ҳолда контрактациянинг қайта тикланиши, шунингдек, автомобиллар нархининг барқарорлиги уларни фойдали сармоя воситасига айлантирди ва талабнинг кескин ошишига олиб келди. Қайта сотиш мақсадида автомобил сотиб олаётган шахсларнинг юқори фаоллиги компанияни шартнома шартларига бундай мижозларга автомобилларни етказиб беришни қўшимча 4 ойга кечиктириш ҳуқуқини киритишга мажбур қилди, бу эса уларнинг сезиларли даражада қисқаришига олиб келди.

Автомобилларга бўлган талабнинг ғайритабиий ўсишига сезиларли ҳисса қўшиш, асосан, маҳаллий автомобиллар нархининг доллар эквивалентида сезиларли даражада пасайиши билан боғлиқ. Шу билан бирга, давлат раҳбари топшириғига кўра, жорий йилнинг февраль ойидан бошлаб импорт қилинадиган автомобиллар учун божхона тўловлари 2 баробардан зиёдроққа пасайтирилди. Автомобиль бозорини либераллаштириш, шунингдек, ички бозорда рақобатчилар кенг доирасининг мавжудлиги «Chevrolet» автомобилларининг оммавийлигини камайтирмади: агар 2021-йилнинг март-апрел ойларида автомобил сотиб олиш бўйича 33,4 мингга яқин шартнома тузилган бўлса, жорий йилда бу кўрсаткич қарийб 82 мингтани ташкил этди (ўсиш суръати 2,4 баробар).

Глобал ва геосиёсий инқирозлар шароитида компания томонидан кўрилган барча чора-тадбирлар мижозлар олдидаги мажбуриятларни ўз вақтида ёпиш ва «заxира» ташкил этиш имконини берди — ҳозирда дилерлик марказларида 2000 га яқин автомобиллар, шу жумладан, 1000 дан ортиқ «Nexia» автомобиллари мавжуд.

Реклама ҳуқуқи асосида