Жамият - 18:09 · 28.04.2022

Ўзбекистонда букмекерлик фаолиятини амалга ошириш тақиқланди

Шавкат Мирзиёевнинг 6 апрель кунги фармони билан Ўзбекистонда букмекерлик фаолиятини амалга ошириш тартиби бекор қилинди. Бу ҳақда «Нигоҳ» хабар берди.

Фото: «РБК»

Қайд этилишича, Президентнинг тегишли фармони билан 2019 йил 4 декабрдаги фармонда келтирилган, 2021 йил 1 январдан бошлаб халқаро тажрибадан келиб чиқиб спорт соҳасини, айниқса, футболни янада ривожлантириш мақсадида Ўзбекистонда букмекерлик фаолиятини амалга оширишга рухсат бериш ҳақидаги қисми бекор қилинган.

Эслатиб ўтамиз, Халқ демократик партияси фракциясининг 2021 йил 8 центябр кунги йиғилишида депутатлар томонидан «Реклама тўғрисида»ги қонун лойиҳаси иккинчи ўқишда кўриб чиқилганди.

Мажлис давомида букмекерлик фаолиятини амалга ошириш механизмлари, хусусан, фаолият юритиш талаблари, рухсат бериш тартиби, соҳадаги чекловлар, ижтимоий муносабатларнинг қонун билан тартибга солинмагани таъкидланганди.