Жамият - 11:40 · 30.04.2022

ДХХ Сурхондарёга наркотик модда олиб кирган Афғонистон фуқаросини ушлади — видео

Давлат хавфсизлик хизмати Сурхондарё вилояти Термиз шаҳрига наркотик модда олиб кирган Афғонистонлик эркакни қўлга олди.

Кадр: Telegram

Маълум бўлишича, наркотик моддаларнинг ноқонуний айланмасига қарши чегара ҳудудларда тезкор тадбир ўтказилган. Унда божхона назорат пункти орқали Афғонистон фуқароси 3,8 килограмм опий моддасини чемодан ичига яшириб олиб ўтгани аниқланган. 1992 йилда туғилган эркак наркотик моддани сотишни режалаштирган.

Шунингдек, вилоятнинг Денов туманида яшовчи икки эркак 900 грамдан кўпроқ опийни 2000 минг доллар ҳамда 40 миллион сўмга сотаётганида қўлга олинган.

Аввалроқ Бухорода гиёҳванд модда сотмоқчи бўлган афғонистонлик эркак ушландганди. У 1 килограммга яқин опийни эритиб, чемодан ичига қуйиб олиб ўтган.