Аввалроқ Ўзбекистондаги иккита аэропортда парвозлар кечиктирилганди. Шунингдек, Қашқадарёда самолёт двигателлари ишламай қолиши оқибатида йўловчилар бир неча соат иссиқда қолиб кетганди.
Истанбулдан учган самолёт Самарқанд аэропортига қўна олмади
Туркиянинг Истанбул шаҳридан учган самолёт Самарқанд аэропортига қўна олмади. Бу ҳақда «Новости Ташкентского Неба» Telegram каналида хабар берилди.
Маълум қилинишича, Истанбулдан учган «HY-276» йўловчи рейси Самарқанд аэропортига қўна олмаган. Бунга эса ноқулай об-ҳаво шароити сабаб бўлган. Момақалдироқ туфайли самолёт Бухоро аэропортига йўналтирилган.
Маълумот ўрнида, 2021 йил 28 декабрь куни Тошкентдан учган самолёт Андижон аэропортига қўна олмагани маълум бўлганди. Маълум қилинишича, «HY-091» Тошкент–Андижон йўловчи рейси манзилига — Андижон аэропортига қўна олмаган. Бунга эса аэропорт ҳудудида кузатилган туманли об-ҳаво сабаб бўлган. Оқибатда йўловчи рейси Фарғона халқаро аэропортига учиб, ўша ерга қўнган.
