11:17 | 30.04.22 91
Ўзбекистон биродар Афғонистон халқига инсонпарварлик ёрдами юборди — видео
Гуманитар юк 58 та вагондан иборат поездда олиб кетилмоқда
Сурхондарё вилояти Термиз шаҳридан 30 апрель куни Афғонистонга навбатдаги инсонпарварлик ёрдами жўнатилди. Бу ҳақда «Bugun.uz» мухбири хабар берди.
Маълум бўлишича, Ўзбекистоннинг биродар афғон халқига навбатдаги инсонпарварлик ёрдами 58 та вагондан иборат поездида жўнатилган. Гуманитар ёрдам Термиз шаҳридаги «Айритом» чегара ўтказиш пункти орқали қўшни мамлакатга юборилган.
Шу муносабат билан икки мамлакат расмийлари иштирокида инсонпарварлик ёрдамини топшириш маросими бўлиб ўтади.
Аввалроқ Ўзбекистон Афғонистонга 63 та вагонда инсонпарварлик ёрдами жўнатганди. Гуманитар ёрдам пакетида озиқ-овқат, кийим-кечак ва кўмир маҳсулотлари бўлган.
