Жамият, Тошкент ш. - 13:35 · 30.04.2022

Тошкентда Ҳайит байрами кунлари жамоат транспорти ҳаракатланиш тартиби белгиланди

Тошкент шаҳрида Рамазон Ҳайити кунлари 2–4 майда жамоат транспорти ҳаракатланиш тартиби белгиланди. Бу ҳақда «Тошшаҳартрансхизмат» ахборот хизмати хабар берди.

Фото: «Bugun.uz»

Маълум бўлишича, тегишли буйруқ билан Рамазон Ҳайити муносабати билан 2, 3, 4, 7 ва 9 май кунлари жамоат транспортини қуйидагича ташкил этиш белгиланди:

  • 2 май, душанба — ишланмайдиган байрам куни. Якшанба кунлари учун тасдиқланган жадваллар асосида;
  • 3 май, сешанба — қўшимча дам олиш куни. Якшанба кунлари учун тасдиқланган жадваллар асосида;
  • 4 май, чоршанба — қўшимча дам олиш куни. Шанба кунлари учун тасдиқланган жадваллар асосида;
  • 7 май, шанба — иш куни. Иш кунлари учун тасдиқланган жадваллар асосида;
  • 9 май, душанба — ишланмайдиган байрам куни. Якшанба кунлари учун тасдиқланган жадваллар асосида.

Аввалроқ Тошкентда Наврўз байрами куни автобуслар қатнов вақти ўзгартирилгани ҳақида хабар берилганди.