Андижон, Жамият - 18:10 · 01.05.2022

Андижонда эркаклар тулкининг оёқларини синдириб, кесиб ташлади — видео

Андижон вилоятида бир гуруҳ эркаклар тулкининг оёқларини синдириб, кесиб ташлади. Бу ҳақда «Ekolog.uz» Telegram каналида хабар берилди.

Кадр: Telegram

Маълум қилинишича, эркаклар тулкини товуқ ўғирлагани учвн шу аҳволга солган. Тирик тулкининг оёқларини синдириб, кесган. Видеода эркаклардан бири «Чупакабрани ушладик, у товуғимизни еди, энди биз уни еймиз», — дея таъкидлаган.

Эсалатиб ўтамиз, аввалроқ Тошкент шаҳрида эркак 2 апрель куни итни ўлдириб, уйининг ваннахонасига осиб қўйгани хабар берилганди. Таъкидланишича, воқеа 2 апрель куни содир бўлган. 4 апрель куни эса биринчи суд мажлиси бўлиб ўтган, унда эркак безорилик факти бўйича 5 суткага қамоққа олинган. Жамоатчилик талаби билан 11 апрель куни ўтказилган иккинчи суд мажлисида эркакка нисбатан энг кам иш ҳақининг 3 баравари (деярли 2,5 миллион сўм) миқдорида жарима жазоси тайинланган.

Аввалроқ Қашқадарёда ота-ўғил эшакларни таёқ билан калтаклагани, сўнг эркак 12 суткага қамалгани ва нима сабабдан ҳайвонларга куч ишлатганини тушунтиргани ҳақида хабар берилганди.