Жаҳон - 21:57 · 05.05.2022

Фаластин Исроил устидан БМТга шикоят қилди

Фаластин ҳукумати мусулмонларга нисбатан кескинлик ва зўравонлик кучайган сабабли БМТни Исроилга босим ўтказишга чақирди. Бу ҳақда «Anadolu» хабар берди.

Фото: «change.org»

Мурожаатда Исроил полициясининг мусулмонларга нисбатан ҳаракати, ал-Ақсо масжидидаги яҳудийларнинг ҳаракати қораланган. Фаластин ҳукумати Исроил байроғи остида масжидда намоз ўқишга қарши чиққан.

«Исроилнинг Фаластин ерларини вайрон қилиш, зайтун дарахтларини кесиш, фаластинлик чўпонларга ҳужум қилиш ва Силван шаҳрида синагога қуриш каби қонунбузарликлари Исроилнинг кескинликни оширмоқчилигини билдиради», дейилади баёнотда.

Шунингдек, Нафтали Беннет бошчилигидаги Исроил ҳукумати Фаластин ерларида кескинликнинг кучайишига масъул экани, БМТ Хавфсизлик кенгаши уларга босим ўтказиши кераклиги таъкидланган.

Маълумот ўрнида, Қуддусдаги ал-Ақсо масжидида 5 май, пайшанба куни Исроил полицияси ва фаластинликлар ўртасида яна тўқнашув бўлган. Томонлар ҳодисада бир-бирини айблаган.