Қуёшда кучли чақнаш қайд этилди — видео
Бу каби ҳодиса 19 йил олдин кузатилган
NASA мутахассислари 30 апрель куни Қуёшда кучли чақнашни қайд этди. Бу ҳақда «Space» хабар берди.
Чақнаш энг юқори Х1 синфида баҳоланган. Бу Атлантикада алоқаларнинг вақтинча узилиши ва Ернинг бошқа ҳудудларида радио сигналининг ёмонлашига олиб келиши мумкин. Мутахассислар Қуёш ўзининг 25-фаолият циклининг бошида экани, унинг чўққиси 2024 йил ёки 2025 йилнинг ўрталарига тўғри келишини айтган. Шу билан бирга, чўққига яқинлашганда, қуёш чақнашларининг частотаси ва интенсивлиги ортиши таъкидланган.
Маълум қилинишича, энг кучли чақнаш 2003 йилда содир бўлган. Оқибатда АҚШнинг бир қатор штатларида электр тармоқларида узилиш кузатилган, шунингдек, радиоалоқа билан боғлиқ жиддий муаммолар юзага келган.
Аввалроқ олимлар Қуёшда нима учун 70 йил доғ бўлмаганини аниқлаганди. Шунингдек, Қуёшда 40 га яқин кучли чақнаш қайд этилган.
