Ўзбекистоннинг қатор вилоятларида ер силкиниши кузатилди

Сурхондарё вилояти Бойсун туманида 12 май куни зилзила содир бўлди. Бу ҳақда Фавқулодда вазиятлар вазирлиги Сейсмопрогностик мониторинг маркази хабар қилди.

Қайд этилишича, зилзила координаталари 38,03 градус шимолий кенглик; 66,89 градус шарқий узунлик. Магнитуда М=6. Чуқурлик 15 километр. Зилзила эпицентри Тошкентдан 411 километр жанубий-ғарбда.

Ўзбекистон ҳудудида сезилиш кучи:

• Сурхондарё вилоятида 4-5 балл, 96 километр;
• Қашқадарё вилоятида 4 балл, 132 километр;
• Самарқанд вилоятида 3-4 балл, 180 километр;
• Жиззах вилоятида 3 балл, 246 километр;
• Навоий вилоятида 3 балл, 265 километр;
• Бухоро вилоятида 3 балл, 288 километр;
• Сирдарё вилоятида 3 балл, 318 километр;
• Тошкент вилоятида 2-3 балл, 396 километр;
• Тошкент шаҳрида 2-3 балл, 410 километр;
• Фарғона вилоятида 2 балл, 496 километр.

Эслатиб ўтамиз, Андижон вилоятининг айрим ҳудудларида 28 апрель тонгида зилзила содир бўлганди.

“Bugun.uz” янгиликларини “Telegram”да кузатиб боринг