Қозоғистонда Назарбоевнинг жияни ва собиқ қудасининг ҳибс муддати узайтирилди

Нур-Султоннинг ихтисослаштирилган туманлараро тергов суди республика биринчи раҳбари Нурсултон Назарбоевнинг жияни Қайрат Сатибалдиулини ҳибсда сақлаш муддатини бир ойга узайтирди. Бу ҳақда суд матбуот хизматига таяниб, «ТАСС» хабар берди.

Фото: «Коммерсант»

Маълум қилинишича, Коррупцияга қарши кураш хизмати Қайрат Сатибалдиулини 13 март куни мансаб ваколатини суиистеъмол қилиш ва «Казактелеком» маблағларини ўзлаштиришда гумон қилиб қўлга олган. Бошқарма маълумотларига кўра, тадбиркорнинг давлат хавфсизлигига путур етказувчи бошқа жиноятларга алоқадорлиги ҳам текширилмоқда. 15 март куни Нур-Султон ихтисослаштирилган туманлараро тергов суди Қайрат Сатибалдиули икки ойга ҳибсга олишга рухсат берган.

Кейинроқ 17 март куни Назарбоевнинг жияни нафақат давлат маблағларини ўзлаштириш, балки рейдерликда (корхонани эгалари ва/ёки раҳбарининг иродасига қарши душманлик билан уни эгаллаб олиш) ҳам айбланган. Бу ҳақда унинг собиқ рафиқаси Гулмира ҳибсга олинганидан кейин маълум бўлган.

Хабар берилишича, ҳибсга олиш муддати, шунингдек, бизнесмен, Қозоғистон Миллий Паралимпия қўмитаси президенти Қайрат Бўранбоев учун ҳам тадбиқ этилган. «10 май куни Нур-Султон шаҳар ихтисослаштирилган туманлараро тергов суди гумонланувчи Қайрат Бўранбоевга нисбатан қамоққа олиш тарзидаги эҳтиёт чорасини қўллаш муддатини бир ойга узайтирди», дейилади матбуот хизмати хабарида. Бўранбоев март ойи ўрталарида катта миқдордаги маблағни ўзлаштириш иши бўйича ҳибсга олинган.

Маълумот ўрнида, Қайрат Бўранбоевнинг қизи 2020 йил август ойида вафот этган Нурсултон Назарбоевнинг набираси Ойсултонга турмушга чиққан.

Аввалроқ Қозоғистон полицияси Назарбоевнинг куёвига тегишли экани айтилган ВИП-кортежни тўхтатганди. Шунингдек, қизи Динара Кулибаева ва унинг турмуш ўртоғи Тимур Кулибаев бир йил ичида бойликларини 2 миллиард долларга оширганди. Шунингдек, Назарбоевнинг миллиардлаб долларлик активлари ҳақида маълумот берилган. Ҳамда унинг қизи ва куёви намойишлар туфайли қанча пул йўқотгани айтилган.

Одамлардан яратилган улкан минора, итларга сув сепаётган роҳиб, Париждаги мода ҳафталиги — бугун суратлари
Жаҳон23:54 | 3.10.22
Одамлардан яратилган улкан минора, итларга сув сепаётган роҳиб, Париждаги мода ҳафталиги — бугун суратлари
Қорақалпоғистонда Боқирғоний таваллудининг 900 йиллигига бағишланган халқаро конференция бўлиб ўтди
Жамият23:27 | 3.10.22
Қорақалпоғистонда Боқирғоний таваллудининг 900 йиллигига бағишланган халқаро конференция бўлиб ўтди
Жиззахда 14 та пахта ортилган тиркама билан ҳаракатланган трактор ҳайдовчиси жаримага тортилган
Жамият23:06 | 3.10.22
Жиззахда 14 та пахта ортилган тиркама билан ҳаракатланган трактор ҳайдовчиси жаримага тортилган
Тошкентда туман ҳокимлигининг бош юрисконсульти пора билан ушланди
Жамият22:33 | 3.10.22
Тошкентда туман ҳокимлигининг бош юрисконсульти пора билан ушланди
Ўзбекистонда аёллар тазйиқ ва зўравонликнинг қайси кўринишларига кўпроқ дуч келиши маълум бўлди
Жамият22:02 | 3.10.22
Ўзбекистонда аёллар тазйиқ ва зўравонликнинг қайси кўринишларига кўпроқ дуч келиши маълум бўлди
Сурхондарёда ўрмон ерлари сотилаётгани юзасидан баёнот берилди
Жамият21:31 | 3.10.22
Сурхондарёда ўрмон ерлари сотилаётгани юзасидан баёнот берилди