Сиёсат - 20:33 · 15.05.2022

Шавкат Мирзиёев БАА янги президенти билан учрашиб, таъзия билдирди — фото

Шавкат Мирзиёев 15 май куни  Абу Даби шаҳрида Бирлашган Араб Амирликлари янги президенти Муҳаммад бин Зоид Ол Наҳаён билан учрашиб, таъзия билдирди. Бу ҳақда Президент матбуот хизмати хабар берди.

Фото: Президент матбуот хизмати

Шунингдек, Президент БАА ташқи ишлар вазири Абдулла бин Зоид Ол Наҳаён ҳамда бош вазир ўринбосари, президент ишлари бўйича вазир Мансур бин Зоид Ол Наҳаён билан учрашиб, уларга ҳам таъзия билдирган.

Фото: Президент матбуот хизмати
Фото: Президент матбуот хизмати
Фото: Президент матбуот хизмати

Таъкидланишича, таъзия маросимида Франция президенти Эммануэль Макрон, Буюк Британия бош вазири Борис Жонсон, Қозоғистон президенти Қосим-Жўмарт Тўқаев, Туркманистон Халқ Маслаҳати раиси Гурбангули Бердимуҳамедов, Миср президенти Абдулфаттоҳ ас-Сиси, Покистон бош вазири Шаҳбоз Шариф, Ўмон Султони Ҳайсам бин Ториқ, Исроил бош вазири Нафтали Беннет — жами 40 га яқин давлат ва ҳукумат раҳбарлари қатнашган.

Аввалроқ Шавкат Мирзиёев 15 май куни Бирлашган Араб Амирликларига жўнаб кетгани хабар берилганди.

Bugun — LIVE