Жаҳон - 17:28 · 16.05.2022

Россияда ўзбекистонлик ҳайдовчилар ЙТҲ содир этишда етакчилиги аниқланди

Россияда хорижлик ҳайдовчилар орасида кўпинча Ўзбекистон фуқаролари йўл-транспорт ҳодисаларига дуч келади. Бу ҳақда мамлакат Ички ишлар вазирлиги маълумотига таяниб, «ТАСС» хабар берди.

Фото: «Yandex.ru»

Маълум қилинишича, 2021 йилда ўзбекистонлик ҳайдовчиларнинг айби билан 1290 та ЙТҲ содир бўлган. Қирғизистонлик 192 та, тожикистонлик ҳайдовчилар эса 894 та ЙТҲ содир этган.

Биринчи бешликка Арманистон ва Озарбайжон фуқаролари кирган бўлиб, улар мос равишда 417 ва 346 та автоҳалокат содир этган. Энг оғир транспорт ҳодисаси МДҲ фуқаролари ўртасида Қозоғистон ва Беларусь ҳайдовчиларига тўғри келмоқда.

Россияда 2021 йилда хорижликлар айби билан содир бўлган бахтсиз ҳодисалар сони ортган. Жумладан, 5000 дан ортиқ шундай ҳодисалар қайд этилган, бу 2021 йилга нисбатан деярли 6 фоизга кўпдир. Оқибатда 431 киши ҳалок бўлган, 6 минг 709 киши тан жароҳати олган.

Аввалроқ Россияда 22 ёшли ўзбекистонлик йигит ЙТҲда ҳалок бўлгани ва мамлакатда ўзбекистонлик йигит ўқувчини уриб юборгани маълум қилинган.

Bugun — LIVE