Жаҳон - 18:05 · 23.05.2022

Филиппинда бортида 134 киши бўлган кема ёниб кетди — видео

Филиппиннинг Лузон ороли қирғоқларида 23 май душанба куни бортида 134 кишини олиб кетаётган тезюрар паром ёниб кетди. Бу ҳақда «CNN» хабар берди.

Фото: «Khaleej Talks»

Маълум қилинишича, ҳодиса оқибатида беш нафар аёл ва икки нафар эркак ҳалок бўлган. «MV Mercraft 2» номли кема Риал портидан 500 метр узоқликда ёниб кетган.

Оқибатда йўловчилар ўзини сувга ташлаган, 120 нафар одам қутқариб олинган, улардан 23 нафарига жароҳат олгани учун тиббий ёрдам кўрсатилган. Ёнғинга нима сабаб бўлгани ҳозирча номаълум. Бортдаги қолган одамларни қидириш ишлари давом этмоқда.

Аввалроқ Хитойда қулаб тушган самолёт бортида омон қолганлар аниқланмаганди. Шунингдек, Филиппинда бортида 85 киши бўлган самолёт қулаб тушганди.

Bugun — LIVE