Ўзбекистоннинг хорижда таҳсил олаётган талабалари сони маълум бўлди

Давлат Статистика қўмитаси ахборот хизмати «Bugun.uz»га Ўзбекистоннинг хорижда таҳсил олаётган талабалари сони бўйича маълумот берди.

Маълум бўлишича, 2021/22 ўқув йили бошига республикадаги барча олий таълим муассасаларида таълим олаётган талабалар сони 808,4 минг нафарни ташкил этган.

• Шундан:
• талаба йигитлар – 439,4 минг нафар;
• талаба қизлар – 369 минг нафар.

ЮНЕСКОнинг статистика институти маълумотларига кўра, Ўзбекистондан хорижда таҳсил олаётган талабалар сони:

• 2015 йил – 28,1 минг нафар;
• 2016 йил – 32,9 минг нафар;
• 2017 йил – 35 минг нафар;
• 2018 йил – 42,3 минг нафар;
• 2019 йил – 53 минг нафар.

Аввалроқ 2020/21 ўқув йилида республикадаги барча олий таълим ташкилотларида таҳсил олаётган талабалар жами 571,5 минг нафарни ташкил этганди.

“Bugun.uz” янгиликларини “Telegram”да кузатиб боринг