Фото: Қашқадарёда 8 та дарахт илдизигача бетонлаб кетилди

Қашқадарё вилояти Қарши шаҳрида 8 та дарахт илдизигача бетонлаб кетилди. Вилоят Экология бошқармаси ахборот хизмати ҳолат юзасидан маълумот берди.

Қайд этилишича, ўрганишлар давомида Табассум маҳалласи Баҳодир Шерқулов кўчасида 8 туп шумтол дарахтлари илдизигача бетонлаб кетилгани аниқланди.

Зудлик билан бетонланган дарахтларнинг илдизлари очилиб, сув қуйиш ва ишлов бериш учун қулай ҳолатга келтирилган.

Эслатиб ўтамиз, аввалроқ Тошкент шаҳри Олмазор туманидаги кўпқаватли уйнинг ёнида катта дарахтларнинг таги бетонлаб ташланганди.

“Bugun.uz” янгиликларини “Telegram”да кузатиб боринг