Янги Зеландия ҳукумати аҳолини тўртинчи доза билан эмланишга чақирди
Янги Зеландия ҳукумати касалликка чалиниш хавфи юқори бўлганларга вакцинанинг тўртинчи дозаси билан эмланишни тавсия қилди. Бу ҳақда «ТАСС» хабар берди.
Фото: «Reuters»
Мамлакатнинг коронавирусга қарши кураш вазири Крис Хипкинз бу бўйича маълумот берган. «COVID-19 билан касалланиш хавфи юқори бўлган ёки ушбу инфекциядан жиддий асоратларни бошдан кечириши мумкин бўлган одамлар 2022 йил 1 июлдан бошлаб иккинчи доза олиш ҳуқуқига эга бўлади», дейилади хабарда.
Таъкидланишича, иккинчи бустер доза шамоллашнинг мавсумий чўққиси тугагунга қадар амалга оширилиши керак.
«Кекса фуқаролар, қариялар, ногиронлар уйлари ва мактаб-интернатлари аҳолиси, ногиронларни парваришлаш хизмати ходимлари, шунингдек, иммунитети заиф одамлар эмланиши керак», — деган вазир.
Аввалроқ коронавирусдан тузалгач одам оғир касаллика чалиниши мумкинлиги маълум қилинганди. Шунингдек, ЖССТ коронавирус пандемияси тугамаганини эълон қилган.
