Жаҳон - 19:25 · 30.05.2022

Нигерияда маймунчечакдан илк одам ўлими қайд этилди

Нигерияда маймунчечакдан биринчи ўлим ҳолати қайд этилди. Бу ҳақда «РИА Новости» хабар берди.

Фото: «Getty Images»

Мамлакатда жами касалланишлар сони 21 тани ташкил этмоқда. «2022 йил 29 май ҳолатига кўра, жами 21 та ҳолат тасдиқланган бўлиб, улардан бири ўлим билан якунланган. Иммунитетни пасайтирадиган дориларни қабул қилган 40 ёшли бемор вафот этган», дейилади хабарда.

Нигериянинг қуйидаги ҳудудларида касалликлар аниқланган: Адамава, Лагос, Байелса, Дельта, Кросс Ривер, Абужа ҳудуди (пойтахт), Кано, Имо, Риверс.

Аввалроқ Ўзбекистон билан чегарадош давлатда маймунчечак аниқланганди. Шунингдек, маймунчечакка қарши вакцина 2 та давлатда борлиги қайд этилганди.

Bugun — LIVE