18:36 | 31.05.22 722
Ўзбекистон аҳолисининг ўртача умр кўриш ёши маълум қилинди
Аёллар эркакларга қараганда 4 йил кўпроқ умр кўрмоқда
Давлат статистика қўмитаси маълумотларига кўра, 2022 йилнинг 1 январь ҳолатига Ўзбекистонда доимий аҳолининг ўртача умр кўриш давомийлиги 73,8 ёшни ташкил этди.
Маълум қилинишича, бу кўрсаткич 2021 йил бошида 73,4 ёшни ташкил этган. 2022 йилнинг 1 январь ҳолатига ўртача умр кўриш давомийлиги:
- Аёллар учун — 75,8 ёш;
- Эркаклар учун — 71,7 ёш;
- Шаҳарда яшовчилар — 73,7 ёш;
- Қишлоқда яшовчилар — 73,8 ёш.
Аввалроқ Ўзбекистон аҳолисининг ярмини ёшлар ташкил қилаётгани айтилганди. Шунингдек, аҳолининг неча фоизи меҳнатга лаёқатли экани маълум қилинган.
