Жо Байден АҚШнинг Украинадаги урушга аралашишдан мақсади мамлакатда демократияни сақлаб қолиш эканини айтди. Бу ҳақда у «The New York Times»га мақола ёзди.
Фото: «National Review»
Оқ уй раҳбари Вашингтон иттифоқчи ва ҳамкорлар билан Россияга қарши санкциялар бўйича ишлашда давом этишини айтган.
«Украинани замонавий қуроллар: Javelin ва Stinger ракеталари, артиллерия ва юқори аниқликдаги ракета тизимлари, радарлар, ҳарбий дронлар, Ми-17 вертолётлари билан таъминлашда, NATO’нинг шарқий қанотини мустаҳкамлашда давом этамиз. Ташкилот ва Россия ўртасида уруш бўлишини истамаймиз. АҚШ ёки иттифоқчиларга ҳужум қилинмагунча, биз бу можарода бевосита иштирок этмаймиз», — деган АҚШ раҳбари.
«Мен Россия президенти Владимир Путиннинг фикрига қўшилмасам ва унинг ҳаракатларини ўзбошимчалик деб билсамда, АҚШ унинг Москвадаги лавозимидан четлатилишига ёрдам бермайди», — деди Америка президенти.
Шунингдек, у Россиянинг ядровий қуролдан фойдаланиш нияти борлиги белгиларини кўрмаётганини таъкидлаган.
Аввалроқ АҚШ Украинанинг бир қисмини Россияга бериш таклифига муносабат билдирганди. Шунингдек, АҚШдан энг кўп ҳарбий ёрдам олган давлатлар маълум бўлган.
