Жаҳон - 11:11 · 01.06.2022

Қадимги Миср худоларининг бронза ҳайкаллари топилди — фото

Мисрда топилган юзлаб қадимий саркофаглар ва бронза ҳайкалчалар оммага намойиш этилди. Бу ҳақда «Deutsche Welle» хабар берди.

Фото: «Daily Sabah»

Қоҳирадан жанубда жойлашган Саккара археологик майдонида юзлаб қадимий ашёлар намойиш этилган. Экспонатлар орасида 250 та қадимги Миср тобутлари ва 150 та бронза ҳайкалчалар бор. Уларнинг ёши 2500 йилни ташкил қилади. Топилмалар Саққара шаҳрида, қадимги Миср пойтахти Мемфисга хизмат қилган қадимий қабристон ёки некропол ўрнида топилган.

Фото: «Daily Sabah»

Қайд этилишича, Анубис, Амун, Мин, Осирис, Исис, Нефертум, Бастет ва Хатор каби худолар ҳамда маъбудаларнинг ҳайкаллари топилган. Дафн маросимларида ишлатиладиган буюмлар ҳам аниқланган. Тобутлардан бирининг ичида археологлар яхши сақланган иероглифлар ёзилган папирус қайд этилган ва у кейинги таҳлил учун Қоҳирадаги Миср музейига юборилган.

Фото: «Daily Sabah»
Фото: «Daily Sabah»

Аниқланган тобутлар Гизанинг Буюк пирамидалари ёнида қурилаётган ва 2022 йил охирида очилиши керак бўлган Буюк Миср музейига етказилади.

Фото: «Daily Sabah»
Фото: «Daily Sabah»
Фото: «Daily Sabah»
Фото: «Daily Sabah»

Аввалроқ Мисрда фиръавннинг махфий ҳужжатларини сақлаган одам қабри топилганди. Шунингдек, Мисрда фиръавнининг 3 минг йиллик мумиёси очилганди.

Bugun — LIVE