Россияда уч нафар Ўзбекистон фуқароси террорчилик ташкилотига алоқадорликда айбланди

Россиянинг Красноярск ўлкасида уч нафар Ўзбекистон фуқароси «Катиба Тавҳид вал-Жиҳод» халқаро террорчилик ташкилотига алоқадорликда айбланиб, қўлга олинди. Бу ҳақда «ТАСС» хабар берди.

Гумонланувчилардан икки нафари Канск шаҳрида, бири Красноярск аэропортида чет эл жангариларининг машғулотларига учиб кетмоқчи бўлган вақтида қўлга олинган. Икки нафар ҳибсга олинган шахсга нисбатан Россия Жиноят кодексининг 205.1-моддаси (Террорчилик фаолиятига кўмаклашганлик), яна бирига нисбатан эса 205.2-модда («Террорчилик фаолиятига оммавий чақириқ») бўйича жиноий иш очилган.

Аввалроқ Россияда ўзбекистонлик эркакнинг ёниб кетган жасади топилганди. Шунингдек, Россияда 22 ёшли ўзбекистонлик йигит метрода вафот этганди.

“Bugun.uz” янгиликларини “Telegram”да кузатиб боринг