Жамият - 17:40 · 06.06.2022

Мирзиёев Тўқаевни конституциявий референдум муваффақиятли ўтгани билан табриклади

Шавкат Мирзиёевнинг Қозоғистон президенти Қосим-Жўмарт Тўқаев билан 6 июнь куни телефон орқали мулоқоти бўлиб ўтди. Бу ҳақда Президент матбуот хизмати хабар берди.

Фото: Президент матбуот хизмати

Келтирилишича, давлат раҳбари Қозоғистон президентини муҳим сиёсий тадбир — мамлакат Конституциясига ўзгартириш ва қўшимчалар киритиш бўйича умуммиллий референдум муваффақиятли ўтказилгани билан қутлаган.

Шунингдек, Ўзбекистон ва Қозоғистон ўртасидаги стратегик шериклик ва иттифоқчилик муносабатларини янада мустаҳкамлашнинг долзарб масалалари кўриб чиқилган, минтақавий кун тартиби юзасидан фикр алмашилган.

Олий даражада эришилган, энг аввало, икки томонлама савдо-иқтисодий, инвестициявий, транспорт-коммуникациявий, фан-таълим ва маданий-гуманитар ҳамкорлик лойиҳаларини илгари суриш бўйича келишувларни амалга оширишга алоҳида эътибор қаратилган.

Бундан ташқари, минтақавий ҳамкорлик, халқаро ташкилотлар доирасидаги яқин ва самарали мулоқотни давом эттириш истиқболлари муҳокама қилинган.

Bugun — LIVE