Ўзбекистонда дрон сабаб қўлга олинган россиялик аёл устидан суд бўлиб ўтди

Ўзбекистон суди дрон сабабли қўлга олинган россиялик сайёҳ Полина Ермаковани оқлади. Бу ҳақда «Интерфакс» хабар берди.

Фото: NGS24.ru»

Ермакованинг айтишича, суд 3 июнь, жума куни бўлиб ўтган ва у оқланган. Дрон эса мусодара қилинган.

Эслатиб ўтамиз, россиялик сайёҳ 15 май куни Қирғизистондан Ўзбекистонга кирган. Ўша пайтда унинг сумкасидаги дрон ўзбек чегарачиларида ҳеч қандай савол туғдирмаган.

«Дрон учун тўлдиришим керак бўлган ҳеч қандай декларация бланкалари беришмади, лекин улар буни аниқ кўришди. «Кетсам бўладими? Сумкани олсам бўладими? деб сўрасам, ‘Ҳаʼ, деб жавоб беришди. Ҳеч ким изоҳ бермади», — деган Ермакова.

Бироқ 17 май куни красноярсклик аёл поездда Бухорога жўнаб кетмоқчи бўлганида Ички ишлар вазирлиги ходимлари томонидан дрон бўлган сумка билан навбатдаги текширувда қўлга олган. Дрон мусодара қилинган, ускунани олиб қўйиш тўғрисидаги далолатнома нусхаси Ермаковага берилмаган, аммо маҳаллий қонунларга кўра, 3 йилгача қамоқ жазосига ҳукм қилиниши мумкинлиги ҳақида огоҳлантирилган.

Аввалроқ россиялик саёҳатчи-блогер Максим Лимар квадрокоптер туфайли Ўзбекистондан Новосибирскка уча олмагани хабар қилинганди. Шунингдек, Бухоро вилояти Божхона боқшармаси ахборот хизмати «Bugun.uz»га ҳолат юзасидан муносабат билдирганди.