Маймунчечакка қарши эмланиш хавфи маълум қилинди
Мутахассислар чечакка қарши вакцина самарали эканини айтганди
Россияда хизмат кўрсатган фан арбоби, тиббиёт фанлари доктори, профессор Анатолий Алтштейн маймунчечакка қарши вакцинанинг салбий таъсири ҳақида маълумот берди. Бу ҳақда «URA.ru» хабар берди.
Мутахассиснинг сўзларига кўра, маймунчечакка қарши ишлатилиши мумкин бўлган чечакка қарши вакциналар ногиронлик ёки ўлимга олиб келадиган жиддий ён таъсирга эга.
«Маймунчечакка қарши вакцина оғир ён таъсирга эга. ‘Спутник V’ каби биз учратган барча препаратлар ҳам ножўя таъсирга эга, аммо COVID вакцинаси ҳаёт учун хавф туғдирмайди. Вирус асосида ишлаб чиқарилган ва кўп йиллар давомида қўлланилган чечакка қарши вакцинага келсак, у ҳатто ножўя таъсирларни эмас, балки асоратларни келтириб чиқаради. Тахминан эмланган ҳар 100 минг кишидан бири ногирон бўлиши ёки вафот этиши мумкин.
Россияда бизда чечакка қарши эски вакцина захираси бор. У, албатта, маймунчечакка қарши ишлатилиши мумкин, аммо препарат жуда кўп ён таъсирга эга. Шунга қарамай, у самарали ва унинг ёрдамида табиий чечак йўқ қилинади. Аммо у билан эмланишни тавсия қилмаган бўлардим», — деган Анатолий Алтштейн.
Вирусологнинг таъкидлашича, чечак йўқолганидан кейин вакциналар қўлланилмаганидан шифокорлар жуда хурсанд бўлган.
«Кўпинча вакцина тери касалликарини келтириб чиқарган. Чечакка қарши эмланиш ҳар доим тиббиёт ходимлари учун оғриқли бўлган. Шифокорлар ундан фойдаланиш мумкин эмаслигини билгач, енгил нафас олди», — дея қўшимча қилган мутахассис.
Мавзуга доир:
- Дунёда одамлар орасида тарқалаётган маймунчечак касаллиги ҳақида нималарни биласиз?
- Касалликка қарши вакцина 2 та давлатда борлиги аниқланди
- Маймунчечакнинг келиб чиқиш сабаби маълум қилинди
- Россия маймунчечак АҚШ лабараторияларидан келиб чиққанини маълум қилди
- Ўзбекистон билан чегарадош давлатда маймунчечак аниқланди
- Нигерияда маймунчечакдан илк одам ўлими қайд этилди
- Маймунчечак тарқалган давлатда йиртқич ҳайвон гўштини сотиш тақиқланди
- Маймунчечакдан қандай ҳимояланиш мумкин?
