Жаҳон - 8:09 · 13.06.2022

Россияда бошидан жароҳат олган ўзбекистонлик эркакнинг жасади топилди

Россиянинг Мурино шаҳридаги қурилиш майдончасида 29 ёшли ўзбекистонлик эркакнинг жасади топилди. Бу ҳақда ҳуқуқ-тартибот идораларидаги манбасига таяниб, «Невские Новости» хабар берди.

Фото: «ТАСС»

Маълум қилинишича, ҳодиса юзасидан қурилиш компаниясининг хавфсизлик бўйича мутахассиси полицияга мурожаат қилган.

Воқеа жойига етиб борган полиция ходимлари ҳудуддан ўзбекистонлик эркакнинг жасадини бошидан жароҳатланган ҳолда топган. 2021 йилнинг август ойида Россияга ишлаш учун борган қурувчининг ўлимига нима сабаб бўлгани ҳозирча номаълум. Ҳолат юзасидан текширув ишлари бошланган.

Аввалроқ Россиянинг Ленинград вилояти Всеволожск туманида ўзбекистонлик эркакнинг ёниб кетган жасади топилганди. Шунингдек, мамлакатнинг Репино қишлоғидаги қабристон ёнида ҳам ўзбекистонлик эркакнинг жасади топилгани маълум қилинганди.

Bugun — LIVE