iPhone 14‘нинг юқори аниқликдаги макети намойиш қилинди — видео
Тасвир орқали смартфон iPhone 13’дан қандай фарқланишини билиш мумкин
YouTube’нинг «iUpdate» канали iPhone 14 смартфонларининг макетлари акс этган видеони эълон қилди. Бу ҳақда «9To5Mac» хабар берди.
Тасвирда ҳозирда энг реал кўринишда бўлган iPhone 14 макетлари акс этган. Видеода iPhone 14 ва iPhone 14 Max’нинг асосий моделлари 2021 йилги iPhone 13 ва iPhone 13 Pro Max билан деярли бир хил. Улар ҳали ҳам бир хил алюминий қирра ва «кокил»га эга.
Аммо iPhone 14 Pro ва iPhone 14 Pro Max’да бироз фарқли ўзгаришлар кузатилади. Миш-мишларга кўра, Apple селфи камера учун тўртбурчак кесимни олиб ташлаши керак. Бунинг акс этган макети мавжуд эмас. Лекин видеода бошқа дизайн хусусиятларига эътибор қаратиш мумкин. Хусусан, смартфонларда камера блоки кўпроқ чиқиб туради. У янгиланган 48 мегапикселли камера сенсорига эга бўлиши кутилмоқда.
Мавзуга доир:
- iPhone 14 макетларининг суратлари намойиш қилинди — фото
- iPhone 14 Pro’нинг экрани бўйича маълумотлар очиқланди
- iPhone 14 тақдимоти бўлиб ўтадиган сана маълум қилинди
Аввалроқ Apple компанияси келажакда шахсий маълумотларни ҳимоя қилиш учун ақлли кўзойнаклардан фойдаланган ҳолда янги функцияни ишга тушириши хабар берилганди.
