Ўзбекистоннинг қатор ҳудудларида сел келиш хавфи эълон қилинди — рўйхат

«Ўзгидромет» хизмати 15–17 июнь кунлари кутилаётган кучли ёмғирлар ёғиши сабабли республиканинг тоғолди ва тоғли ҳудудларида сел келишидан огоҳлантирди.

Қайд этилишича, ёғингарчилик сабаб Фарғона водийсининг тоғолди ва тоғли ҳудудларида:

• Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
• Фарғона вилояти: Сўх, Фарғона, Бешариқ туманларида;
• Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонабод шаҳрида сел-сув тошқин ҳодисалари юзага келиши мумкин.

Шунингдек, марказ тоғолди ва тоғли ҳудудларда истиқомат қилувчи фуқароларни, дам олувчиларни ҳамда тоғли худудларда ҳаракатланувчи ҳайдовчиларни эҳтиёткорлик чораларини кўришини сўраган.

Аввалроқ қатор ҳудудларда 10–11 июнь кунлари кучли ёмғирлар ёғиши сабаб республиканинг тоғолди ва тоғли ҳудудларида сел келиш хавфи эълон қилинганди.

“Bugun.uz” янгиликларини “Telegram”да кузатиб боринг