Жаҳон - 17:48 · 15.06.2022

Тожикистон ва Ўзбекистон чегара демаркациясини муҳокама қилди

Хўжандда Тожикистон–Ўзбекистон демаркация комиссияси ишчи гуруҳлари йиғилиши бўлиб ўтди. Бу ҳақда «Sputnik» хабар берди.

Фото: «Eurasianet»

Тожикистон ТИВнинг таъкидлашича, 6 кун давом этган музокаралар чоғида икки давлат ўртасидаги лойиҳа демаркация чизиғидан ўтишнинг асосий масалалари муҳокама қилинган. Тадбир якуни бўйича тегишли баённома имзоланган.

Демаркация ва йиғилишда муҳокама қилинган мавзулар бўйича бошқа маълумотлар келтирилмаган. Шу билан бирга, ушбу жараён бўйича навбатдаги йиғилиш Ўзбекистон ҳудудида ўтказилиши белгиланган.

Эслатиб ўтамиз, Тожикистон ва Ўзбекистон чегарани делимитация қилиш тўғрисида 2019 йилда келишиб олган ва 2020 йил давлатлар ўртасида тожик-ўзбек чегарасининг айрим участкалари бўйича шартнома имзоланган. Ишчи гуруҳларнинг олдинги йиғилиши май ойининг охирида Хўжандда бўлиб ўтган. Мазкур учрашув деярли бир ҳафта давом этган. Тожик-ўзбек чегарасининг узунлиги 1332 километрни ташкил қилади.

Аввалроқ Ўзбекистон, Қирғизистон ва Тожикистон ўртасида чегара бўйича протокол имзолангани хабар берилганди. Ўзбекистон ҳудудига тегишли бўлган иккита қишлоқ расмий равишда Қозоғистонга ўтгани маълум қилинган.

Bugun — LIVE