Жаҳон - 9:40 · 18.06.2022

Илон Маск крипто пирамида яратганликда айбланиб, судга тортилди

«Tesla» ва «SpaceX» асосчиси Илон Маск «Dogecoin» криптовалютасини тарғиб қилишда айбланиб, судга тортилди. Бу ҳақда «Forbes» хабар берди.

Фото: «Getty Images»

Даъвогар америкалик инвестор Кит Жонсоннинг сўзларига кўра, бу крипто пирамида ҳисобланади, танганинг ўзи эса ҳеч қандай қийматга эга эмас. Эркак миллиардердан 258 миллиард доллар товон пули талаб қилмоқда. Жонсон алтькоин (биткоиндан кейин пайдо бўлган ҳар қандай криптовалюта) савдоси қимор ўйинларидан бошқа нарса эмаслиги, айбланувчи эса буни қонуний сармоя сифатида илгари сурганини айтган. Унинг фикрича, «SpaceX» ва «Tesla» «Dogecoin» қийматини сунъий равишда ошириш учун товламачилик билан шуғулланган.

Даъвогар ушбу криптовалюта билан савдо қилиш, АҚШ ва Нью-Йорк қонунларига мувофиқ, қимор ўйинларига тенглаштирилганини таъкидлаган. Шу муносабат билан Жонсон суд Маск «SpaceX» ва «Tesla» компанияларига ушбу криптовалютани тарғиб қилишни тақиқлаши кераклигини қўшимча қилган.

Йил давомида «Dogecoin» қиймати тахминан 67 фоизга пастлаган. Ҳозирда танга 0,05 долларга тенг. 2021 йилнинг баҳорида «Dogecoin» 0,7 доллардан ошган, бироқ кейин пасайишни бошлаган.

Аввалроқ Twitter акциядорлари Илон Маскни судга берганди. Шунингдек, миллиардер компания раҳбари лавозимидан бўшамоқчилигини маълум қилганди.

Bugun — LIVE