Жамият, Тошкент ш. - 17:56 · 20.06.2022

Тошкентнинг 8 та тумани иссиқ сувдан вақтинча узилади

Тошкент шаҳрининг айрим туманларида иссиқ сув таъминоти вақтинча тўхтатилади. Бу бўйича пойтахт ҳокимлиги огоҳлантириш эълон қилди.

Фото: «Bugun.uz»

«ТошИЭМ»га келувчи юқори босимли магистраль газ қувурида юзага келган носозлик сабабли бир неча туманларнинг айрим ҳудудларида 20 июнь соат 18:00 дан 21 июнь соат 06:00 га қадар иссиқ сув таъминоти вақтинча қисман тўхтатилади:

  • Миробод;
  • Яккасарой;
  • Яшнобод;
  • Мирзо Улуғбек;
  • Юнусобод;
  • Шайхонтоҳур;
  • Чилонзор;
  • Сергели.

Таъкидланишича, юқори босимли газ қувурида юзага келган носозлик бартараф этилиши билан иссиқ сув таъминоти тикланади.

Аввалроқ пойтахтнинг 4 та туманида иссиқ сув талаб даражасида етказиб берилмагани аниқланганди. Шунингдек, «Тошиссиққуввати» 2020 йилни 869 миллиард сўм зарар билан якунлагани маълум бўлган.

Bugun — LIVE