Жамият, Жаҳон, Иқтисод - 11:21 · 21.06.2022

Москва биржаси ўзбек сўмида савдоларни амалга оширади

Москва биржасида 27 июндан бошлаб валюта бозорида Ўзбекистон сўмида савдолар бошланади. Бу ҳақда биржанинг расмий сайти маълум қилди.

Фото: «Bugun.uz»

Қайд этилишича, биржаси валюта бозорида ўзбек сўми, арман драми ва Жанубий Африка ранди бўйича савдолар бошланади. Янги валюталар бозорнинг профессионал иштирокчилари, уларнинг мижозлари – жисмоний ва юридик шахсларнинг, шу жумладан ташқи иқтисодий фаолият субъектларининг савдо имкониятларини кенгайтириши келтирилган.

Савдо иштирокчилари ва уларнинг мижозлари қуйидаги валюта жуфтликлари учун спот ва алмаштириш воситаларидан фойдаланишлари мумкин:

Жанубий Африка ранди – Россия рубли (ZAR/RUB);
АҚШ доллари — Жанубий Африка ранди (USD / ZAR);
Арман драми — Россия рубли (AMD/RUB);
АҚШ доллари – Арман драми (USD/AMD);
Ўзбек сўми — Россия рубли (UZS/RUB).

Бирлашган Араб Амирликлари дирҳами – Россия рубли (AED/RUB) ва АҚШ доллари – БАА дирҳами (USD/AED) валюта жуфтликларида савдонинг бошланиши кейинроқ эълон қилинади.

Аввалроқ Москва биржаси яқин келажакда бозорда мавжуд бўлган валюталар рўйхатини Ўзбекистон сўми кенгайтиришни режалаштираётгани ҳақида хабар берилганди.

Bugun — LIVE