Жаҳон - 12:51 · 21.06.2022

Озарбайжон Арманистон билан чегарадаги позициялари ўққа тутилганини маълум қилди

Озарбайжон 21 июнга ўтар кечаси Арманистон ҳудудидан чегарасидаги позициялари ўққа тутилганини маълум қилди. Бу ҳақда мамлакат Мудофаа вазирлиги хабар берди.

Фото: «BBC»

Вазирлик маълумотларига кўра, Лочин вилоятидаги Минкенд ва Калбажар вилоятидаги Йеллиже аҳоли пунктлари йўналишидаги позициялари ўққа тутилган. Озарбайжон Қуролли кучлари «адекват жавоб чораларини» кўргани таъкидланган. Ўз навбатида, Арманистон Мудофаа вазирлиги бу баёнотни рад этган.

«Озарбайжон Мудофаа вазирлигининг 20 июндан 21 июнга ўтар кечаси Арманистон қуролли кучлари бўлинмалари Озарбайжон позицияларига турли калибрли ўқотар қуроллардан ўт очгани ҳақидаги баёноти ҳақиқатга тўғри келмайди», дейилади Арманистон Мудофаа вазирлиги баёнотида.

Шуниндгек, вазирлик Арманистон-Озарбайжон чегарасида вазият нисбатан барқарорлиги ва Арманистон қуролли кучларининг тўлиқ назорати остида эканини таъкидлаган.

Bugun — LIVE