Жамият - 13:06 · 21.06.2022

Озарбайжон президенти Ўзбекистонга етиб келди — фото

Шавкат Мирзиёевнинг таклифига биноан Озарбайжон президенти Илҳом Алиев 21 июнь куни давлат ташрифи билан Ўзбекистонга келди. Бу ҳақда Президент ахборот хизмати хабар берди.

Фото: Президент матбуот хизмати

Қайд этилишича, Тошкент халқаро аэропортида меҳмонни бош вазир Абдулла Арипов ва бошқа расмий шахслар кутиб олди. Ташрифнинг асосий тадбирлари бугун бўлиб ўтади.

Фото: Президент матбуот хизмати

Олий даражадаги музокараларда Ўзбекистон билан Озарбайжон ўртасидаги стратегик шериклик муносабатларини янада мустаҳкамлаш ва кўп қиррали ҳамкорликни кенгайтириш масалалари муҳокама қилинади.

Фото: Президент матбуот хизмати

Уларнинг натижалари бўйича саноат, транспорт, қишлоқ хўжалиги, энергетика, илм-фан ва инновациялар, туризм ва бошқа соҳаларга доир икки томонлама ҳужжатлар имзоланиши кўзда тутилган.

Фото: Президент матбуот хизмати

Эртага Хива шаҳридаги тарихий ёдгорликларни зиёрат қилиш режалаштирилган.

Аввалроқ Александр Лукашенко Ўзбекистонга келиши кутилаётгани хабар қилинганди. Беларусь президенти ШҲТ саммитида иштирок этади.

Bugun — LIVE