10:18 | 21.06.22 79
Ўзбекистонда буғдой уни импорти ошди
Январь–май ойларида хориждан 49 млн долларга ун сотиб олинди
Ўзбекистонга январь–май ойларида хориждан 49 миллион долларга буғдой уни импорт қилинди. Бу ҳақда Статистика қўмитаси ахборот хизмати хабар берди.
Маълум бўлишича, 2022 йилнинг январь–май ойларида Ўзбекистонга 49 миллион долларга 158,4 минг тонна буғдой уни импорт қилинган. Кўрсаткич 2021 йилнинг мос даври билан солиштирилганда 19,8 минг тоннага ошган.
Қуйида ўтган 5 ойда Ўзбекистон буғдой унини энг кўп импорт қилган давлатлар рўйхати келтирилган:
- Қозоғистон – 153,4 минг тонна;
- Россия – 4,9 минг тонна;
- АҚШ – 50 тонна;
- Италия – 27 тонна;
- Ҳиндистон – 2 тонна;
- Франция – 1,8 тонна.
Аввалроқ Ўзбекистонда 2022 йилда 1,7 млн тонна буғдой давлат ресурси сифатида харид қилиниши ҳақида маълумот берилганди.
