Иқтисод - 15:00 · 23.06.2022

UzAuto BYD билан ҳамкорликда Ўзбекистон истеъмолчиларининг эҳтиёжларини ўрганишни бошлади

UzAuto Ўзбекистон истеъмолчилари учун энг яхши маҳсулотни яратиш ва уларнинг эҳтиёжларини аниқлаш мақсадида, Хитойнинг BYD компанияси билан ҳамкорликда «Car Clinic»– тадқиқот лойиҳасини ўтказишни бошлади. Унда потенциал харидорларнинг янги энергия манбалари бўйича автомобилларни қабул қилиши ўрганилади.

Фото: UzAuto ахборот хизмати

UzAuto бозорига автомобилларни олиб кирилишида дастлаб истеъмолчиларнинг фикрини ўрганиш анъанага айланди. Бу ўз навбатида, компаниянинг барча маҳсулотларини маҳаллий шароит ва афзалликларга мослаштиради.

Фото: UzAuto ахборот хизмати

Истеъмолчилар эҳтиёжларини аниқлаш мақсадида, BYD автомобиль моделларининг плагинли гибрид электромобиллари (PHEV) прототиплар сифатида тақдим этилди.

Фото: UzAuto ахборот хизмати

Car Clinic иштирокчилари тақдим этилган моделларнинг техник хусусиятлари орасида BYD томонидан ишлаб чиқарилган портлаш ва ёнғинга чидамли Blade Battery аккумуляторларнинг мавжудлигини қайд этишди.

Фото: UzAuto ахборот хизмати

Бу аккумулятор тўлиқ заряд ва тўлиқ ёқилғи бакида 100 км учун атиги 3.8-4.5 л ёқилғи сарфи билан 1 200 кмгача масофани босиб ўтишга имкон беради. Тезлашув вақти 100 км/сга 7.3-7.9 сонияни ташкил этади.

Фото: UzAuto ахборот хизмати

Таъкидлаш жоизки, Хитойда автомобилнинг биринчи эгалари учун унинг асосий қисмлари (аккумулятор, двигатель ва электрон бошқарув тизими)га умрбод кафолат берилади. Автомобиль кафолати 6 йил ёки 150 000 км бўлиб, бу эса автомобилнинг юқори ишончлилигидан далолат беради.

Барча учун алоҳида ижобий факт бу турдаги автомобилларни бошқаришнинг тежамкорлиги бўлди – тахминларга кўра, PHEV’нинг йиллик эксплуатация харажатлари бошқа автомобилларга қараганда 400 долларга кам.

Фото: UzAuto ахборот хизмати

Ақлли бошқарув тизими ва 360° камераларнинг мавжудлиги автомобилни телефон орқали бошқариш, шунингдек, унинг жойлашувини, камералардан олинган маълумотларни, ёқилғи сарфини, иситиш ва совутиш тизими ва бошқа бир қатор тизимларни бошқариш имконини беради.

Фото: UzAuto ахборот хизмати

Буларнинг барчаси, замонавий автомобиль дизайни билан бир қаторда шунингдек, катта дисплей (уни текисликда 90 градусга кенгайтириш имконияти билан), адаптив круиз-контроль, йўналишни бошқариш, ҳавони тозалаш тизими, симсиз зарядлаш ва бошқа кўплаб функционал имкониятларнинг мавжудлиги, футуристик дисклари билан BYD автомобилларини сотиб олиш учун энг функционал ва мақбуллардан бирига айлантиради.

Фото: UzAuto ахборот хизмати

Ўзбекистонда янги энергия манбаларида автомобиль ишлаб чиқарилишини йўлга қўйиш режалаштирилганлиги муносабати билан, ушбу автомобиллар тадбир қатнашчилари томонидан кўздан кечириш билан бирга, «Test drive» ҳам ўтказилди, ҳамда синовдан ўтаётган моделлардан истеъмолчиларнинг кўнгиллари тўлгани ёки камчиликлари борасида: автомобиль дизайни, қулайлиги ва бошқа кўплаб жиҳатларини ўрганишга қаратилган махсус сўровнома ўтказилди.

Фото: UzAuto ахборот хизмати

«Car Clinic» усули «сифатли» тадқиқотларни, автомобилларнинг статистик ва динамик тестларини, шунингдек, сўровномаларни ўз ичига олган.

Фото: UzAuto ахборот хизмати
Фото: UzAuto ахборот хизмати

Тадқиқотнинг мақсадли аудиторияси анъанавий ёқилғили автомобиль ва электромобил эгалари бўлиб, келажакда оптимал конфигурациянинг зарур имкониятлари ва хусусиятларини батафсил аниқлашга имкон беради. Иштирокчилардан олинган сўровномалар натижаси Ўзбекистонда церийали ишлаб чиқарилиши кутилаётган автомобилларга ўзгартириш ва қўшимчалар киритилишига қаратилади.

Фото: UzAuto ахборот хизмати
Фото: UzAuto ахборот хизмати

Эслатиб ўтамиз, жорий йилнинг февраль ойида UzAuto ва Хитойнинг энг йирик элекромобил ишлаб чиқарувчи компанияси BYD ўртасида ўзаро ҳамкорлик қилишга келишилди. Ҳамкорлик доирасида томонлар енгил автомобиллар ҳамда автобусларни ишлаб чиқариш бўйича қўшма лойиҳани Ўзбекистоннинг янги энергия манбаида (NEV- гибридлар, электромобиллар ва электроавтобуслар) амалга ошириш имкониятларини ўрганишни келишиб олишди.

Шунингдек, лойиҳа ўз ичига савдо ва сервис хизмат кўрсатиш шу жумладан, электромобиллар аккумуляторлари ҳамда электродвигателларга техник хизмат кўрсатиш тармоғларини яратишни ўз ичига олади.

Facebook | Instagram | Web | YouTube

Реклама ҳуқуқи асосида

Bugun — LIVE