Жамият - 14:29 · 24.06.2022

«Ўзгидромет» шошилинч ахборот эълон қилди

Ўзбекистон ҳудудига 25–29 июнь кунлари Туркманистон орқали Эрон ҳудудларидан иссиқ ҳаво кириб келиши сабабли максимал ҳаво ҳарорати 45 даражагача кўтарилади. Бу бўйича «Ўзгидромет» хизмати  шошилинч ахборот эълон қилди.

Фото: «Bugun.uz»

Унга кўра,

  • 25–28 июнда Қорақалпоғистонда, Хоразм вилоятида 42–44 даражагача;
  • 25–29 июнда Бухоро, Навоий, Қашқадарё, Сурхондарё вилоятларида 43–45 даражагача;
  • 26–29 июнда Тошкент, Самарқанд, Жиззах, Сирдарё вилоятларида ва Фарғона водийси вилоятларида 40–42 даражагача кўтарилади.

Республика бўйича баъзи жойларда шамол 15–20 метр секундгача кучайиши, айрим жойларда чанг тўзонлари кузатилиши кутилмоқда.

Аввалроқ Ўзбекистонда ҳафта охирида ҳарорат 45 даражагача кўтарилиши хабар қилинганди.

Bugun — LIVE