Тошкент ш. - 12:35 · 24.06.2022

«Қўйлиқ» бозори давлат эҳтиёжлари учун олиб қўйилиши маъқулланди

Тошкент шаҳар ҳокими «Ер участкасини давлат ва жамоат эҳтиёжлари учун олиб қўйилишига рухсат бериш тўғрисида»ги қарорни имзолади. Бу ҳақда «E-qaror» платформасида маълум қилинди.

Фото: Тошкент шаҳри ҳокимлиги

Қайд этилишича, ҳокимнинг қарори билан «Фарғона йўли» кўчасини Бектемир шоссеси билан боғловчи Тошкент ҳалқа автомобиль йўлига кириш ва чиқиш имконини берувчи ёрдамчи йўл ўтказгичлар қурилишига рухсат берилди.

Келтирилишича, ер участкалари олиб қўйилиши ва компенсация бериш ишларини мувофиқлаштириш шўъбасига:

  • нотариал тартибда тасдиқланган Келишув битими ҳисобини юритиш;
  • олиб қўйилаётган ер участкаларига ўрнатилган тартибда компенсация берилишини назорат қилиш вазифаси юклатилсин.

Аввалроқ Тошкент шаҳар Бектемир туман ҳокими Тапил Маҳамадзияев 13 декабрь куни ўтказилган йиғилишда Қўйлиқ бозори босқичма-босқич кўчирилиши маълум қилинганди.

Bugun — LIVE