Дунёнинг яшаш учун энг яхши шаҳарлари рўйхати эълон қилинди
Рейтинг 2022 йил учун «Economist Intelligence Unit» томонидан тузилган
«Economist Intelligence Unit» дунёдаги яшаш учун энг қулай шаҳарларнинг йиллик рейтингини эълон қилди. Бу ҳақда «The Economist» нашри маълумот берди.
«Economist Intelligence Unit» «The Economist»га тегишли корхона бўлиб, мазкур рейтингда дунёнинг 173 та шаҳри соғлиқни сақлаш, жиноятчилик даражаси, сиёсий барқарорлик, инфратузилма ва яшил майдонлардан фойдаланиш каби бир қатор омиллар бўйича баҳоланган.
Умуман олганда, рўйхатда Европа етакчилик қилган бўлиб, кучли ўнталикдан ўрин олган олтита шаҳар Европада жойлашган. Швейцариянинг иккита шаҳри ўнликдан ўрин олган. Мамлакатнинг Цюрих ва Женева шаҳарлари мос равишда учинчи ва олтинчи ўринларни эгаллаган.
Қайд этилишича, рўйхатда Канада етакчилик қилган. Мамлакатнинг учта шаҳри: Калгари, Ванкувер ва Торонто рейтингдан жой олган.
Кучли ўнликдан қуйидаги шаҳарлар ўрин олган:
- 1. Вена, Австрия;
- 2. Копенгаген, Дания;
- 3. Цюрих, Швейцария;
- 4. Калгари, Канада;
- 5. Ванкувер, Канада;
- 6. Женева, Швейцария;
- 7. Франкфурт, Германия;
- 8. Торонто, Канада;
- 9. Амстердам, Нидерландия;
- 10. Осака, Япония ва Мельбурн, Австралия.
Аввалроқ Экологияга энг кўп зарар келтираётган дунё шаҳарлари рейтинги эълон қилинганди. Шунингдек, дунёдаги 2021 йилда яшаш учун энг яхши шаҳар қайси экани хабар қилинган.
