Буюк Британия армияси генерали Патрик Сандерс Россияни ҳарбий жиҳатдан ушлаб туриш учун ҳарбийлар сонини оширишни режалаштирмоқда. Бу ҳақда «Sky news» хабар берди.

Сандерс ҳозирги вазиятни 1937 йилда Европада бўлган вазият билан солиштирган ва янги жаҳон урушининг олдини олиш учун қўлдан келган барча ишни қилишга чақирган. Генералнинг фикрича, Британия Қуролли кучлари жанговар шайликни ошириш ва турли ҳарбий бўлинмаларнинг қўшма машғулотларини ўтказишга кўпроқ эътибор қаратади.

Унинг огоҳлантириши мамлакат бош вазири Борис Жонсоннинг хавфсизлик учун мудофаа харажатлари ошишини эълон қилиши фонида эълон қилинган. Сандерс бу бўйича режаларини Мадриддаги уч кунлик саммитда эълон қилиши кутилмоқда.

Генерал ягона мақсади Европада уруш тарқалишининг олдини олишга ёрдам бериш учун армияни сафарбар қилиш эканини айтиши таъкидлаган.

Маълумот учун, Мадридда 28 июнь куни Шимолий Атлантика алянсининг уч кунлик саммити бошланади.

Аввалроқ NATO Россиядан ҳимояланишга тайёрланаётгани ва альянс бош котиби Россия билан муносабатларга ойдинлик киритгани ҳақида хабар берилган.